Saga DHL

Þær heildarlausnir sem DHL býður upp á ná allt frá landflutningum til flug- og sjófraktar milli landa. Auk þess bjóðum við upp á ýmsa þjónustuliði sem auðvelda flutningaferlið fyrir fyrirtæki, svo sem tollaumsjón og fleira. Slíkar heildarlausnir einfalda flutningaferlið fyrir viðskiptavininn þar sem hann getur nú nálgast alla þá flutningsþjónustu sem hann þarf á að halda hjá einum og sama aðilanum. Einnig getur sendandinn ráðið hraða sendingarinnar hvort sem um er að ræða innflutning eða útflutning.

DHL samanstendur af fjórum samverkandi einingum. Þetta þýðir að við getum boðið upp á meiri sveigjanleika, betri þjónustu og hagkvæmari leiðir fyrir viðskiptavini okkar.

DHL var stofnað í San Francisco fyrir meira en 40 árum af 3 upprennandi athafnamönnum – Adrian Dalsey, Larry Hillblom og Robert Lynn – og hefur síðan þanist út á ævintýralegum hraða. Í dag er fyrirtækið stoltur merkisberi í alþjóða hraðsendingum og vöruþjónustu á heimsmarkaði.

DHL stækkaði mjög hratt og færði í upphafi út kvíarnar til Asíu og Kyrrahafssvæðisins. Í kjölfarið hélt fyrirtækið síðan innreið sína til Afríku og Evrópu. Á aðeins 4 árum var fyrirtækið farið að þjónusta um 3000 viðskiptavini og starfsmannafjöldi kominn upp í 300.

Árið 1977 var þjónustuframboð aukið og farið að senda litla pakka til viðbótar við skjalasendingar. Árið 1982 varð síðan sprenging í vexti fyrirtækisins, sem opnaði í 30 nýjum löndum það árið, þar með talið á Íslandi. Ári síðar varð DHL síðan fyrsta hraðflutningafyrirtækið til að opna skrifstofur í Austur-Evrópu. Fyrirtækið var einnig fyrst til að hefja rekstur í Kína árið 1986.

Frumkvöðlaandinn er enn ríkur innan DHL og þrátt fyrir að grunnþjónustan felist í flutningi skjala og pakka býður fyrirtækið einnig upp á ýmsar netlausnir sem auðvelda viðskiptavinum DHL að stunda inn- og útflutning. Þar að auki býður fyrirtækið upp á sérhæfðar lausnir fyrir tilteknar atvinnu- og iðngreinar á borð við bíla- og líftækniiðnað.