Viðbótarþjónusta – fleiri möguleikar í flutningum

Auk hefðbundinnar ábyrgðar DHL Express bjóðum við viðskiptavinum okkar tryggingar gegn hvers konar tapi eða tjóni er hlotist getur vegna ytri aðstæðna, hverjar sem þær kunna að vera.

Trygging á verðmæti sendinga

Yfirlit

Hægt er að tryggja verðmæti hraðsendinga, hvort sem um er að ræða skjalasendingu eða pakka. Hafa ber í huga að ákveðnar takmarkanir geta átt við, eftir því hvert sendingin er að fara og hvað innihald hennar er.

Sendingar DHL eru tryggðar hjá AIG og uppfylla almenn skilyrði um bætur vegna tjóns í flutningum. Tryggingin gildir frá því DHL Express tekur við sendingu þar til hún er afhent. Tryggingin nær yfir beint tjón eða tap, að uppfylltum skilyrðum sem varða takmarkanir eða undanþágur.

Takmarkanir og undanþágur

Flutningstrygging nær yfir vörur í millilandaflutningum. Tímabundnar takmarkanir á tryggingum geta komið til af, en einskorðast ekki við, pólitískum toga, vegna hryðjuverka, kjarnorkuslysa eða stríðs, eða vegna tilskipana yfirvalda. Tryggingin bætir ekki eftirfarandi:

• Tafir
• Venjulegan leka
• Venjulega rýrnun í þunga eða rúmmáli, eðlilegt slit eða tæringu vöru
• Tap, skemmdir eða kostnað vegna ónógra eða óhæfra umbúða, eða lélegs frágangs vöru
• Tap, skemmdir eða kostnað vegna innri skemmda eða eðlis vöru
• Tap, skemmdir eða kostnað sem rekja má til vísvitandi skemmdarverka á vöru, hver sem í hlut á
• Tap, skemmdir eða kostnað sem rekja má til tafa
• Tap, skemmdir eða kostnað sem telst afleiðing á notkun kjarnorkuvopna eða vegna geislavirkni

Grundvöllur fyrir bótum

• Bætur takmarkast við það verðmæti sem þú gefur upp, kostnað vegna endurnýjunar, verðmæti sem uppgefið er á vörureikningi eða raunvirði vöru, hvað af þessu sem lægst er. Færa getur þurft sönnur á yfirlýst verðmæti til staðfestingar kröfu.
• Tapist sending að fullu, bætir tryggingin einnig flutningskostnað. Tapist hluti sendingar, bætir tryggingin flutningskostnað í réttu hlutfalli við heildarflutningskostnað sendingar.
• Í þeim tilfellum sem fleiri en ein sending sem fellur undir tryggingu þessa skemmist eða tapast af völdum sama atburðar takmarkast heildarbætur allra sendinga við 10 milljón Evrur.

Hvernig gera á tjónakröfu

Ef þú vilt gera tjónakröfu á DHL Express verður þú að láta DHL Express vita við fyrsta tækifæri, en aldrei síðar en 30 dögum eftir áætlaðan eða raunverulegan komutíma sendingar, hvor sem kemur á undan.

DHL býður viðskiptavinum upp á staðlaðar pakkningar merktar DHL þeim að kostnaðarlausu, til dæmis umslög eða litla kassa.

Við erum einnig með úrval DHL umbúða til sölu eins og stærri kassa eða þríhyrnda hólka sem eru hentugir fyrir þyngri varning.

DHL er með úrval af iðnaðarumbúðum fyrir sérþarfir viðskiptavina. Til dæmis hitastýrðar umbúðir undir greiningarsýni. Þurrísbirgðir eru til staðar í flestum löndum ef á þarf að halda.

Eru flutningar hjá þér óreglulegir eða árstíðabundnir? Sé svo getum við komið til hjálpar á álagstímum. DHL sér um undirbúning sendinga, skráningu farmbréfa, merkingar á pakka og aðra skjalagerð og sendir síðan vörurnar á áfangastað.

DHL Express getur flutt sendingar af öllum stærðum og gerðum. Ef þín sending er stærri eða þyngri en takmarkanir segja til um, hafðu þá samband við næstu skrifstofu DHL og við aðstoðum þig.

DHL Express hefur leyfi IATA til að flytja vissar tegundir hættulegs varnings.

Lesa meira um hættulegan varning

Vantar fleiri klukkutíma í sólarhringinn? DHL hefur marga valkosti fyrir þá sem á þurfa að halda, þegar dagurinn er einfaldlega ekki nógu langur. Hvort sem er utan skrifstofutíma, um helgar eða á almennum frídögum, þegar sækja þarf eða afhenda vöru utan alfaraleiðar, þá getum við hjá DHL komið þér til hjálpar.

Þegar mikivægt er fyrir þig að vita hvenær sendingin er komin til skila, þá getur DHL komið til móts við þig með sjálfvirkri staðfestingu á faxi, tölvupósti, í gegnum síma eða með sms skilaboðum, hvað sem hentar þér best.

DHL Express getur útvegað afrit af undirskrift viðtakanda til að staðfesta móttöku sendingar. Staðfestingin er send á faxi eða í tölvupósti til sendanda og getur því einnig vel hentað þeim viðskiptavinum sem ekki eru nettengdir.

Ef viðtakandi er ekki á staðnum þegar við gerum tilraun til að afhenda sendingu reynum við eftir sem áður að tryggja afhendingu hennar í framhaldinu.

Þurfir þú að senda pakka á afskekktan stað, hvar sem er í heiminum, þá stendur DHL Express undir væntingum þínum. Þökk sé víðfeðmu flutningsneti okkar, getum við náð til viðskptavina og birgja fyrir þig á afskekktum og torfærum landsvæðum.

Stundum getur verið auðveldara fyrir viðskiptavin þinn að sækja sendinguna á afgreiðslustað DHL Express frekar en að reyna að afhenda honum sendinguna heim að dyrum. Þú óskar einfaldlega eftir þessu þegar þú sendir vöruna og þjónustudeild okkar á áfangastað hefur samband við móttakanda þegar sækja má sendinguna.

GOGREEN er þjónusta fyrir þá viðskiptavini DHL sem vilja kolefnisjafna flutninga sína. Hún samanstendur af því að reiknuð er út kolefnisnotkun vegna sendinga viðskiptavinar og hún jöfnuð út af kolefnisteymi DHL. Auk þess fær viðskiptavinur viðurkenningarskjal frá utanaðkomandi eftirlitsaðila vegna þessa.

Meira um GoGreen

Ef ekki er hægt að afhenda sendingu til viðskiptavinar af óvæntum ástæðum getur DHL Express geymt hana í allt að viku án endurgjalds.

DHL Express býður upp á sveigjanlega greiðslumöguleika vegna flutningsgjalda og aðflutningsgjalda. Þetta gefur þér kost á að velja hvort sendandi, móttakandi eða þriðji aðili greiði undir sendinguna.

• Innflutningsnúmer
  Innflutningsnúmer gerir þér kleift að stjórna öllum innflutningi í gegnum eitt viðskiptamannanúmer og fá aðeins einn reikning fyrir öllum sendingum.
  Meira um Innflutningsþjónustu DHL
  
• Aðflutningsgjöld
  Hægt er að skuldfæra aðflutningsgjöld á sendanda eða þriðja aðila. Við tollafgreiðum sendinguna á áfangastað, leggjum út fyrir aðflutningsgjöldum og gjaldfærum á viðskiptamannanúmer sem tekið er fram á farmbréfi. Þetta gerir sendanda kleift að selja vöru með öllum kostnaði inniföldum í verði. DHL tekur svo gjald af þessari þjónustu með aðflutningsgjöldunum.
• Hlutlaus afhending (Neutral Delivery)
  Þú getur sent tollskylda vöru til móttakanda og látið okkur reikningsfæra flutnings- og aðflutningsgjöld til þriðja aðila eða annars innflytjanda. Til að trúnaður haldist við sendanda, afhendum við ekki sendingarskjöl til viðtakanda, svo hann sjái ekki söluverð vörunnar.