Leiðbeiningar um flutning á hættulegum vörum

DHL Express býr yfir víðtækri reynslu á meðferð og flutningum hættulegs varnings. Kynntu þér skilyrði og reglur um flutninga til að tryggja að þínar sendingar standist allar kröfur.

Að senda hættulegar vörur

DHL er viðurkenndur flutningsaðili fyrir hættulegan varning og sem leiðandi fyrirtæki í flutningum og vörustjórnun framfylgir DHL eftirfarandi reglugerðum:

IATA í flugsendingum á við í öllum löndum sem starfa undir reglum ICAO og öll flugfélög sem starfa samkvæmt reglugerðum IATA
ADR í landflutningum á við öll þau lönd sem hafa samþykkt ADR samninginn og breytt reglum sínum í samræmi við hann. Auk þess fer DHL eftir tilskipunum Evrópusambandsins um flutning á hættulegum varningi (Dangerous Goods Safety Advisor)

Ef þú ert ekki viss um hvaða reglugerðir gilda um þína sendingu hafðu þá samband við þjónustudeild DHL og talaðu við sérfræðing í meðferð hættulegs varnings.

Bannvara:

Hættulegur úrgangur
Hergögn

Takmarkanir á:

Gerð vöru og vali á þjónustuleið
Neti DHL, reglum í hverju landi og reglum flugfélaga

DHL flytur eingöngu hættulegan varning fyrir viðurkennda viðskiptavini með viðskiptamannanúmer.
Hættulegan varning verður að útbúa í samræmi við viðeigandi reglugerðir.

Réttar pakkningar og merkingar
Rétt útfylling viðeigandi skjala. “Shipper’s Declaration for Dangerous Goods” þarf að fylla út og undirrita af sendanda og fylga sendingunni.
Öllum reglum og takmörkunum viðeigandi ríkja og flutningsaðila verður að fylgja

Samþykki fyrir flutningi: DHL getur aðeins tekið við og flutt sendingar sem innihalda hættulegan varning hafi verið fengið samþykki fyrir flutningi áður en DHL sækir varninginn.

Auknar álögur falla á allar sendingar sem innihalda hættulegan varning

Sé hættulegum varningi ekki rétt inn pakkað eða meðhöndlun hans ábótavant, getur skapast hætta. Sé ekki tilkynnt um hættulegan varning í sendingu, rangar eða engar upplýsingar gefnar, eða pakkningar og merkingar ekki réttar, stofnar þú heilsu fólks og öryggi í hættu.

Vissir þú að bragðefni í matvælaframleiðslu, ilmvötn og rafmagnsbúnaður geta fallið undir þennan flokk? Ef þú hefur í hyggju að senda slíkar vörur, hvort sem það er í persónulegum eða viðskiptalegum tilgangi, hafðu þá samband við sérfræðing í flutningi á hættulegum vörum hjá DHL. Þú getur líka skoðað öryggisblað framleiðanda til að komast að því hvort senda megi vöruna á hefðbundinn hátt. Sé leyfilegt að flytja sendinguna fer DHL fram á að textinn “Not restricted” eða “not restricted as per special provision A…” komi fram á farmbréfi eða vörureikningi.

Hafirðu í hyggju að senda með DHL Express, er mjög mikilvægt að þú ráðfærir þig við sérfræðing DHL. Við höfum víðtæka reynslu af flutningi hættulegra efna og erum reiðubúin að aðstoða með hvað sem er.

Hafðu samband við þjónustudeild og talaðu við sérfræðing í meðferð á hættulegum varningi.

Sendandi ber ábyrgð á því að tilkynna um hættulegan varning, réttri pökkun og réttum merkingum. DHL Express tekur við hættulegum varningi, aðeins að því tilskildu að hann uppfylli kröfur um magn og umbúðir. Takmarkanir geta verið misjafnar eftir vöruflokkum og þjónustuleiðum.

Forðist það að skaða aðra og að sæta sektum frá flugyfirvöldum með því að tryggja að farið sé eftir settum reglum. Ákveðnar vörur geta verið meðhöndlaðar sem hættulegar með tilheyrandi töfum og jafnvel förgun. Til að koma í veg fyrir það skaltu bæta “Not restricted” á pappírana þegar það á við.

Fréttir af röskun á flutningsleiðum

Sendu strax á netinu

Sendu núna Sendu á netinu:

Meira um DHL Online Shipping

Finndu afgreiðslustað

Staðsetning

Veldu borg eða póstnúmer: