DHL Express og tollafgreiðsla

Tollurinn er fyrst og fremst yfirvald í hverju landi. Tollurinn ber ábyrgð á því að innheimta opinber gjöld og ekki síður að reglum um flutninga sé framfylgt.

Stjórnun á flutningum tollskyldra vara er grundvöllur vörustjórnunar inn- og útflutnings. Því hefst ferli tollafgreiðslu í landi sendanda og endar á áfangastað sendingar.

DHL Express sér um afgreiðslu hraðsendinga fyrir þína hönd. Þegar sending er afgreidd sjáum við um að afhenda hana.

Þeir innflytjendur sem tollafgreiða sjálfir greiða 1250 kr + VSK í tollafgreiðslugjald.

Innflutningur og útflutningur ákveðins varnings getur verið bannaður eða háður ýmsum takmörkunum og er það í höndum tollayfirvalda að framfylgja reglum hvers lands þar að lútandi.

Auk þess hafa yfirvöld á hverjum stað vald til þess að leggja gjöld á inn- og útflutningsvörur í formi tolla.

Það er ekki létt verk að tollafgreiða milljónir sendinga á degi hverjum. DHL Express gerir það þó daglega með því að taka að sér hlutverk tollmiðlara fyrir viðskiptavini sína.

Með tollafgreiðslu á öllum okkar áfangastöðum erum við einn stærsti tollmiðlari heims. Það hlutverk verður til þess að við þurfum að tryggja að tollskjöl þín séu alltaf nákvæmlega og rétt útfyllt.

Að lokinni vandlegri skoðun okkar, eru tollskjöl afhent viðkomandi tollayfirvöldum. Þau starfa með okkur að hraðri afgreiðslu og afhendingu sendinga þinna.

DHL Express fer vandlega yfir tollskjöl hverrar sendingar. Sendingar er ekki hægt að tollafgreiða nema pappírar séu fullgerðir og nákvæmlega rétt útfylltir.

Stór hluti sendinga með DHL Express er tollskyldur og þarf því að einkenna með tollskrárnúmeri.

Tollskrárnúmerið er afar mikilvægt þegar skjöl eru lögð inn til tolls til afgreiðslu.

DHL býður upp á alla almenna tollafgreiðslu auk annarrar aðstoðar.

• Inn- og útflutningsafgreiðsla
• Forskráning
• Undirbúning tollskjala
• Flóknari tollskýrslugerð
• Tollvörugeymsla
• Afhending til tollmiðlara
• Bráðabirgðatollafgreiðsla
• Upplýsingar um gjöld og álögur
• Leiðbeiningar um tollflokka
• Flutningur milli tollvörugeymsla
• Greiðslufrestur tollgjalda